→ Newsletter ←
A-nevez / Dernières publications
AFER EDWARD SNOWDEN : Hervez ar Stadoù-Unanet, ar mikroioù kuzhet na veze ket implijet evit spiiñ, met evit un taol-arnod skiañtel (ASF#15 bis)
AFER EDWARD SNOWDEN : Breizh ivez a vehe edan lagad ar Stadoù-Unanet ! (ASF#15)
(Da vout kemeret gant fent, un tamm emgoaperezh, mar-plij !)
(Ur skeudenn all zo war ar renk, embannet e vo emberr)
Glav, glav, glav (war un ton anavezet)
Glav hag awen
Awen ha glav
Mestr ar bluenn
Ha livioù brav
Pemp ha pevar
Salut deoc’h-holl lennerien gaer, hag e vehec’h un tamm dichek eveldon ? Perak ? Ar pennad lennet ar muiañ er mare-mañ àr ar blog (ha doue a oar pegen niverus emaoc’h o tont àr ar blog mañ…) a zo hag a chom abaoe sizhunioù hini ASF#13…Iskiz…Hag e plijfe deoc’h ar gwask « people » e brezhoneg ?
Kann Al Loar : echu an enkadenn gant DSK !
Tapet e kreiz diaesterioù ekonomikel, en arvar e oa ar festival « Kann Al Loar » e 2012. E 2013 eo bet roet loc’h endro dezhañ a drugarez d’ur bolitikour sokialist milvrudet : DSK !
-
« Komprennet ‘m eus e oa poent ober un dra bennak »
Aterset get hor skipailhoù, DSK en deus displeget deomp e oa deuet ar soñj-se dezhañ àr-lerc’h bout bet krapet get e vouezh nevez ar bazioù e Cannes : « E Cannes ar bloaz-mañ e oa fall an amzer, hag ar filmoù a oa torr-revr. Neoazh, pa ‘m eus krapet ar bazioù, em eus en em rentet kont penaos en doa roet loc’h d’an traoù. Er mediaoù e veze komzet deus ar festival endro, hag adlañset e oa ar mekanik. Hag aze ‘m eus ‘n em lâret : « Ha perak pas profitiñ deus ar fenomen-se evit adlañsiñ ar festivalioù tapet get an enkadenn ? » ».
-
Kevredigezh ar festival « Kann Al Loar » plijet gant ar raktres
« DSK a zo deuet e darempred ganomp e fin miz mae », eme rennour ar festival. « Kinnig a rae domp kemer perzh e-barzh an dibunadeg. A dra-sur e tegasfe kazetennerien deus Frañs a-bezh, ha hervezh ar jedadennoù hon eus graet (DSK a zo bet e-pad ur prantad e-penn an FMI, ndlr), kement-mañ a lieskementfe dre 30 an niver a vilhedoù gwerzhet evit ar festival ». En eskem eo bet goulennet gant DSK cheñch ul lizherenn e-barzh anv ar festival. « Diouzhtu hon eus lâret ya. N’omp ket ganet e bro Leon evit netra ! Ha cheñch ul lizherenn e-barzh ur ger e brezhoneg n’eo ket kalz tra, pep hini a ra bemdez abaoe bloavezhioù (pe blezadoù ?) ».
-
Cannes, Kann Al Loar, ha Kan ar Bobl da heul ?
Ar a seblañt e vehe bet tostaet ar gevredigezh « Kan Ar Bobl » gant DSK ivez, evit lakaat e pleustr ur raktres diazezet àr ar memes priñsip. Huñvreal a ra ar festival degemer kement a dud eget er bloavezioù tremenet, ha raktres an aotrou Kahn a c’hellfe degas un diskoulm. Hag e teufe « Kan ar Bobl » da vout « Kahn ar Bobl » ? Posubl eo, met ne vo ket diouzhtu : hervez hor mammennoù ne vehe ket deuet a benn komite Kan Ar Bobl bro Vigoudenn d’en em glevet gant (get?) komite Kan Ar Bobl bro Gwened a-ziàr distagadur ar ger « Kahn ». « Gortoz pell, gortoz gwell » a vehe bet respont an hini a oa bet ken tost da vout prezidant n’eus nemet un nebeut mizioù zo.
[Br]/[Fr] Ti ar serr-noz / The house of the Rising Sun : Un nebeut traoù sirius evit cheñch / Un peu de douceur dans ce monde de brutes
Hey ya, prometet em boa deoc’h un nebeut traoù sirius àr ar blog : erruet eo ar momant.
Hag e anavit ar ganaouenn « The House of the Rising Sun » ? Ar ganaouenn-mañ a zo un ton bale folk deuet deus ar Stadoù-Unanet. Savet e vehe bet e penn-kentañ an XXvet kantved, mes n’omp ket sur deus orin ar ganaouenn. Brudet-tre eo er broioù saoz, hag a Frañs eo anavezet muioc’h stumm Johnny : « Le Pénitencier », mes pozioù ar version-se n’o deus netra da welet gant ar pozioù orin. Mat, n’on ket o vont d’ober an istorel, wikipedia a zo amañ ma ‘z oc’h intereset. Ma ‘z eo anavezet mat ton ar ganaouenn, ar pozioù n’int ket gwall stabil. Kaoz ‘vez deus un ti-gisti evit lod, evit lod all eo ur ganaouenn a-enep d’ar boeson.
Hiriv e kinnigañ deoc’h ar c’hentañ skrid e brezhoneg deus ar ganaouenn-se (fin, n’on ket ken sur deus se evit lâret ar wirionez =)). Kaoz vez deus ar boeson, ha deus gisti, mes deus karantez ivez. N’eo ket peurechu, farioù a chom surwalc’h, hag un nebeut pozioù a c’hellfe bout gwellaet, mes gant ma ‘po plijadur da lenn.
——————————–
Vous connaissez sûrement la célèbre chanson folk « The House of The Rising Sun ». Non ? Dans ce cas, je vous propose de rafraîchir vos neurones à l’aide de wikipedia. En tout cas aujourd’hui, je vous en présente la version bretonne : « Ti ar serr-noz » (La maison du soleil couchant). Bonne lecture !
Skeudenn / Image : http://hatbeat.deviantart.com/art/House-Of-The-Rising-Sun-321759658
Un ti a zo e New-Orlean
Anvet « The Rising Sun »
Enno e kaver merc’hed inosant
A ro o c’horf evit argantLâret oa bet din na deus james du-se
Ha siwazh emaon aet
Me oa-me yaouank ha skañv a spered
An hent ‘m eus kemeretBambocher ma oen kreiz ma flijadur
Kollet ha diasur
Me oa-me mezv, ‘vel ar re all ‘m eus graet
Ha get ur plac’h ‘m eus kousketDerc’hel ‘ran soñj c’hoazh deus e vuzelloù yen
He vousc’hoarzhig tenner
Daoulagad don, splujadenn en ec’honder
Hag ar plac’h-mañ a garenHag e huanade, hag hi a huche / hi ma suplie
Tec’homp kuit, pell a-ze
Ni a foetay bro, ha ni ‘n omp garei
En tu-mañ d’an infernAn heol a save àr tu-gin ar gwez
An evned a gane
Tec’het am eus kuit, hep lâret ur ger
Soñjal ‘oa gwell en oberE fale evel un ene kollet
On troet da zod
Soñjal d’ar plac’h-se, d’an amzer dremenet
Na welin ket endroBiskoazh abaoe plac’h ‘n am eus karet
Ha biken ne rin ket
Rannet ma c’halon get plac’h e c’halon glann
A ro he c’horf evit argant.
O paouez testiñ un dizagn nevez evit ar blog
Salut deoc’h holl, o testiñ un dizagn nevez evit ar blog emaon, n’on ket sur eo gwall efedus. Surwalc’h e teuin d’ar stumm kentañ endro. Nemet ma ‘z eo gwelloc’h doc’h e mod se ?… Lârit din !Skeudenn : http://www.curver.com/fra/design-innovation
[Br] Brudadeg dreistordinal rannvro Breizh evit Gouel Breizh
Ma surfit un tamm àr ar web ur wec’h an amzer eo surwalc’h bet diaes doc’h tremen e-biou. Deus petra ta ?
Continuer la lecture de « [Br] Brudadeg dreistordinal rannvro Breizh evit Gouel Breizh »
[Br] Cheñchit logo mar plij !
Met petra zo peg enne ? Daou vloaz zo e oa bet loc’het da geñver ul lid ipisial da heuliiñ war-eeun war internet ar merch « Bretagne ». Jean-Yves Le Drian ha pennoù-bras Breizh a bez a oa en em gavet e Roazhon evit an darvoud, ha dreist pep tra evit diskouezhiñ deomp logo ar merch : 
Me oa e mesk ar re o doa kavet brav al logo-se. Prop, splan ha sklaer e oa afed dizagn, ha kavet mat e oa : an tri vandenn a yae d’ober an « E » a oa evit degas soñj deus ar re a veze kavet àr banniel Breizh. Mes setu an dalc’h : kavet mat e oa, ha surwalc’h un tamm re. Abaoe an deiz-se eo bet divizet get bep a verch krouet e Breizh d’ober ar memestra. Continuer la lecture de « [Br] Cheñchit logo mar plij ! »
[Br] Skrabidoubidououll !
‘M eus ket komzet deoc’h deus skrabidoull ? Skrabidoull a zo ul lec’hienn internet ma vez embannet bep miz bannoù-treset a bep seurt e brezhoneg. Kavout ar raer reoù nevez-flamm ha reoù troet diwar ar galleg. Un neubeut mizioù-zo on bet inoret peogwir eo bet embannet ar vandenn-dreset am boa savet a-ziàr « Masterchef ». War a zeblant oc’h bet plijet gant ar vandenn-dreset-mañ. Klask a rin lakaat unan all enlinenn ur wech bennak, mes ‘vit ar mare e vankañ a amzer. Ouzhpenn-se, ret eo din anzavout deoc’h n’on ket ur mailh war an tresiñ !
Kentañ tro tudoù !
PS : Evit ar re ne blij ket dezhe c’hoarzhiñ, pe evit ar re a blij dezhe c’hoarzhiñ mes a blij dezhe gober traoù all ivez, taolit evez, gellout a rafe pennadoù sirrius bout embannet amañ en devezhioù o tont…
Newsletter
Soutenez mes projets en vous abonnant
Entrez votre adresse mail pour recevoir automatiquement les nouveaux articles du site, et du contenu exclusif’ !